He Mihi tenei na Te Kaumätua | Welcome Message From Our Kaumätua

E noho ana i te roro o töku tupuna whare a Ihenga, kia rongo mäkahi mö taku tüpuna pökai i te nuku whenua.  Tü ana mai ki muri ko Tihiötonga he ripa tau ärai atu i ngä hukapapa o te hautonga e pühia mai rä i a Tongäriro.  Taha katau ko te whare täpiri ä Hinetekäkara he tüpuna köranga puna ora ka hua.  Te Marae Areare ko Tangatarua tüpuna paihere i ngä Iwi,  kia tau ko te maungärongo ki te papa,
E koköia e ara e!

E ngä mana, e ngä reo, Te Arawa waka, Matäätua waka, Tainui waka, koutou ko ngä Mätä waka o te motu, o te aö, häere mai, häere mai, häere mai.  Nau mai häere mai ki Te Whare Takiüra o Waiäriki ,ki Rotorua, ki Whakatäne, ki Tokoroa tae atu ki Taupö, i runga i ngä ähuatanga o tätau tini aitua e hinga nei e hinga atu rä.  Nä reira, rätau te hunga mate ki a rätau, tätau te hunga ora e pae nei, tëna koutou katoa.

He mihi nui tënei i runga i ö koutou whakääro rangatira, kia tatü mai koutou ki Te Whare Takiüra O Waiäriki ki te whai hua i ngä taumata o te mätauranga, me te mau mähara anö hoki, kia mau ai koe ki te whakatauki e whai ake nei:

“Te manu e kai i te miro, nönä te ngähere
Te manu e kai i te mätauranga, nönä te aö”

Nä reira, ko te tümanako kia whakakikïngia e koe täu kete ki te mätauranga e hiahia ana koe, kia pai ai täu hïkoi i roto i tënei Aö Türoa, nä reira kia kaha, kia maia, kia Manawanui, tëna koe, ä , tëna tätau katoa.

Näku noa

Na Keneti Te Whainga Kennedy
Kaumätua

View information on the Marae

Waiariki Kaumätua
Ken Kennedy